بصمات غيرت العالم

عايز أتكلم عن حاجة بقالها فترة وزمن في دماغي، حاجة شغلتني وشغلت تفكيري لوقت ليس بقصير، أنا كبني آدم عمري واحد وعشرين سنة، قدمت ايه للبشرية؟؟ وصلت ل ايه يقدر يحسن حياة ناس كتير ويغير فيها، تقريباً ولا حاجة.... ايه هو أكبر حدث مهم في حياتي وحياتكم؟ نتيجة الثانوية العامة؟ نتيجة تنسيق قبول الكلية؟ أول ترم تجيب فيه امتياز؟ أول ترم تشيل فيه مادة، انما كبني آدم في مجتمع وعالم كلنا فيه بنتأثر وبنأثر على بعض عملنا ايه؟ هل في يوم من الأيام التاريخ هيكتب عن انجازاتك في سبيل البشرية وليس انجازاتك في سبيل نفسك، أو التاريخ مش هيذكرك حتى ولو ذكرك هل هيقول عمل كذا وكذا ولا هيقول كان بيأكل ويشرب وينام؟؟...

سامانثا سميث دي بنت من أمريكا عملت ايه بقى في فترة الحرب الباردة بين أمريكا والاتحاد السوفيتي كتبت رسالة وهي عمرها لا يتجاوز ال10 سنين لزعيم الاتحاد السوفيتي يوري أندروبوف بتسأله ليه العلاقو بين أمريكا والاتحاد السوفيتي في حدة وتوتر للدرجة دي، رسالتها دي لما وصلت روسيا اتنشرت في الجريدة الروسية برافادا وفي نفس الوقت مجلهاش اجابة على سؤالها، فبعتت رسالة تانية لسفير الاتحاد السوفيتي في أمريكا بتسأله ليه الرد موصلهاش؟ وفعلاً جالها رد من أندروبوف... تم تعيينها كأصغر سفيرة للنوايا الحسنه وشاركت في مؤتمرات كتير لحفظ السلام...... توفت سامانثا سميث في حادث طيارة وكان عمرها لا يتجاوز ال 13 عام...

 

إقبال مسيح طفل باكستاني مصنع سجاد يدوي اشتراه عشان يشتغل عندهم بالسخرة كل ده وكان عمره وقتها 4 سنين، وكان معظم الأطفال هنالك مربوطين بالسلاسل عشان ميهربوش من الشغل ،الشركة دي كانت بتشغله 12 ساعة يومياً وفي نفس الوقت الأكل اللي كانوا بيقدموه ليه مكنش كويس، فكان جسمه هزيل جداً بسبب سوء التغذية والشغل...... اقبال هرب من المصنع وهو عمره 10 سنين وانضم إلى جبهة في باكستان بتناضل من أجل وقف عمالة الأطفال وساعد أكتر من 3000 طفل باكستاني بالحصول على حريتهم والهروب من المصانع دي.....اقبال تم اغتياله يوم حد 1995 وتم اتهام ملاك المصانع بهذه الجريمة.كانت قصة إقبال سبب في إنشاء عدة منظمات مثل حرروا الأطفال (Free the Children) 

براندون ستانتون هو العقل المفكر وراء البلوج الشهير Humans of New York  وبسبب نجاح وشهرت البلوج ده الفكرة انتشرت وبدأت ناس كتير تقلده وظهر حجات زي

Humans of India, Humans of Tehran, Humans of Bronx science وكل ده وهو لسه 32 سنه