رسالة للقمر

شميت ريحة القهوة وبصيت على صورك وفكرت ان في يوم من الأيام نرتبط وربنا يكرمنا ونتجوز كل يوم أصحى ادور عليكي على twitter او على اي حاجه تانيه اشوفك فيها،كل يوم بقول اقربلك وعارف ان ده مستحيل فبهرب منك،كل يوم بقول هكتبلك بس عارف انك مش هتقرائي الي بكتبه وحتى لو قرأتيها عارف انك مش هتعرفي ان انتي الي مقصوده بالكلام ده،عارف ان الحب والكلام ده ممكن مش من اولوياتك او من اهتماماتك بس كنت عايز اقولك كلمتين
أنا كانسان وشخصيه فأنا مهمل فممكن أيام كتير جدا مكلمكيش بس برجع اندم واتمنى لو كنت كلمتك،ساعات بكون عنيد وتافه والتفاصيل عندي بتكون اهم من اي حاجه لدرجة اني بهتم بالتفاصيل اكتر من الموضوع ذات نفسه،بروده دمي وعدم مبالاتي تسعين في الميه كذب بس انا مش بحب أتعصب فبمثل برودي
من الاخر كدا ممكن تفكريني مش مهتم بس بالعكس انا مهتم،ممكن تفكريني مطنش بس انا باخد بالي من كل حاجه انتي عملتيها بس كل الفكرة والمشكلة فاني مش عارف اذا كان احساسي ناحيتك الي وجد بسبب تعاملك معايا الي كان قليل بس واضح جدا ان في اهتمام ده صح ولا غلط مش عارف اذا كان لازم آخد خطوه جريئه واجرب ولا هتحرج مش عارف اذا كان كل ده صح ولا غلط مش بحاول اشغل نفسي بالتفكير وبحاول انسى واعدي اليوم وفي الاخر ذكرى اول يوم تقابلنا هي الي بتعدي اليوم.