فكرة ان مفيش مستحيل

كل الي انت محتاجه شوية مجهود لأن
Lim
X----->مستحيل.  Doesn't exist
اساس امكانياتك عبارة عن سطور ورا بعض كدا وعشان توصل للسطر التاني لازم تخلص السطر الاولاني،أصل الحلم حلمك والمجهود مجهودك والرحلة رحلتك.
بس وأنت بتعمل اي حاجه اعملها على طول لوجه الله، خلي نيتك كدا دايما وربنا هيكرمك احلى كرم واوعى تعمل حاجه عشان الناس او عشان تتفاخر وتتكبر على الناس
كل لما تروح بيتك وتخش مملكتك بالنسبة ليا مملكتي هي اوضة نومي لأن احكامي أنا الي ماشيه فيها راجع نفسك في كل حاجه عملتها في يومك في شخص زعلته بكلامك في واحد طنشته في بنت عجبك طقمها او الاكسسوار بتاعها ونفسك تقولها،قولها مش ممكن تكون سبب انها تنام فرحانه ومبسوطه من الكلمتين دول 'طقمك النهارده كان تحفه'
قبل ما تنام امسح كل سوء تفاهم حصل في يومك ده من ذاكرتك لأنك مش ناقص سيئات وضغائن لأن الضغينه دي على طول بتؤدي الى النميمه وسامح اي حد زعلك او ضايقك ولو انت مزعل حد اعتذرله مش ممكن يموت وترجع تقول يا ريتني كلمته وصالحته
دائما وابدا حب لأخيك ما تحبه لنفسك ولما تيجي تدعي ربنا بحاجه متكنش بخيل وادعي لكل الناس بالدعوه بتاعتك ديه مش ممكن تكون من الناس الصالحه ودعواتك مستجابه!
كل يوم بدايه جديده ومفيش حاجه مستاهله التكشير والزعل لأن مفيش حاجه مستاهله وابتسم واضحك وخليك دائما متفائل وباصص للجانب المنور من حياتك.