ال Dopamine يا سعاد

هذا الكلام المكتوب هنا قد يتضمن كلام ليس مناسب بالمرة للأعمار الأقل من 18 سنة وللفتيات وللناس السيس لامؤاخذه يعني ولكن مع إنه لفظيا غير سليم ولكنه عمليا واجتماعيا يحاكي الواقع، بل يتماشى معه من كل جانب وبُعد كدا يعني __ وعلى رأي المثل الذي يقول أنا مش عارفني، أنا تهت مني، أنا مش أنا نستفتح القول
الإكتئتاب *موسيقى تصويرية في عقلك كدا * بَم بَم بَم بااااه!!!!!  وما أدراك ما الإكتئاب، فهو مرض ليس له وجود في الوجود، ولا يُمسك ولا يُحس ولا يُشم ولكن أثاره تكون أمامك تراها بالعين المجردة، الإكتئاب عبارة عن Hazrad zone ابن ستين كلب ابعد عنه بكل ما أوتيت من قوة وعلم ولكن أتدري أن المكتئب غالباً، أو من يلازمه الاكتئاب عادةً يكون ذو علم   أه وحياة الغالية وعشان كدا بيكتئب.
فالاكتئاب syndrome بيجي لما تعرف أكتر مما ينبغي لك أن تعرف، لما بتتيقن من حاجة كان الشك لسه بيلعب فيها، لما مخك والover thinking يبقوا سوا زي عدنان ولينا كدا. وهنا سيدي العزيز بتبدأ تفشخ نفسك بنفسك، بتبقى قنبلة موقوتة لو انفجرت مش هتدمر غير نفسك أنت وبس، بالنسبة للناس التانيه اللي حواليك هيقعدوا يتفرجوا عليك وأنت بتنفجر وبتعمل Fireworks بنت حرام ليهم..

سيدي نحن نعيش في مجتمع ابن وسخه ومش هيبقى المجتمع وأنت على نفسك، هتعيش ازاي أساسا وأنت داخلياً بتكره نفسك وبتشمئذ منها، أنت أه ممكن تعاتب نفسك لو عملت حاجة غلط، انما متكرهش نفسك.

وما علاج الإكتئاب يا سيدي الفاضل، علاج الإكتئاب يا عم الحج والحجة، أعزائي قُراء البلوج يتكون من علاج مؤقت ظاهري وعلاج دائم داخلي. فأما العلاج المؤقت الظاهري فبيختلف من شخص لآخر وبيكون مثلا هدوم بتشتريها، في ناس بتنعزل خالص فكرياً عن اللي حواليها، وفي ناس بتختفي فجأة وبتظهر فجأة، وفي ناس بتغير جو وتسافر وناس تغير تسريحة شعرها أو ستايل لبسها وناس لامؤاخذه يطلقون العنان لشهواتهم، وهذا ما أجمع عليه المكتئبين من العلماء.
بس الكلام ده في الآخر كدا بيطلع فنكوش جامد فشخ وبترجع تاني للاكتئاب مرة أخرى واوسخ من المرة اللي فاتت وبترجع تاني لنفس العلاج الفنكوش ده وتكمل فيه لحد ما خلاص معدش بيحوء مع الإكتئاب اللي بيجيلك ده وتصبح كالهائم الذي يسير طالبا للهداية وهو وحده من يستطيع أن يهدي نفسه ولكن لا يستطيع أن يثق بكلماته ونفسه

إنما العلاج الداخلي الدائم يكون لما تفكر وتهتدي كدا إن الحياة بسيطة يا ساحبي، كلنا هنموت يا حبيبي ومش واخدين منها حاجة، ليه تعيش معقد نفسك ومعقد اللي حواليك وكدا كدا يعني مش هتفرق، فقدرك مكتوب واللي راح راح واللي جاي إحنا مش عارفينه ولكن ممكن على الأقل نقول ونأمل إن بكرة يكون أحسن، أنا بكذب عليك أنا عارف بس سامحني واسمع الكلام والدنيا هتبقى حلوة وعنب بنظرة أمل، يعني كل يوم الصبح لما تصحى عايزك تقول لنفسك إن النهاردة هيكون يوم حلو ومزاجي مش هيتعكر بأمل كدا. ولأن اللي قلته ورا ده صعب الواحد يوصله وهو مقتنع بيه 100 % فالحل الأمثل والأسهل والأحسن واللي هيجيب من الآخر كدا إن شركات الأدوية والدكاترة يعني ييجوا على نفسهم شوية ويستجدعوا معانا وينزلوا Dopamine صناعي وكل يوم الصبح كدا لما تيجي تبص نظرة الأمل اللي احنا اتفقنا عليها دي ترزع نفسك حقنة والحياة هتبقى حلوه فشخ ولو مش بتعرف تدي الحقنة لنفسك نادي على مراتك الصبح وقولها حقنة الDopamine يا سعاد.